Para poder solicitar a acreditación como Axente Rexistrador tes que seguir o seguinte procedemento e enviar a Dominios.es unha serie de documentos que detallamos a continuación:
Nesta páxina podes informarte sobre:
Paso 1
Remite o formulario de datos
Cubre o Formulario de Datos.
Unha vez enviados estes datos, facilitarémosche instrucións sobre como enviar a documentación adicional.
Paso 2
Adicionalmente, deberás remitir a Dominios.es a seguinte documentación obrigatoria:
Copia dos documentos acreditativos da constitución e inscrición da organización solicitante no rexistro correspondente (*)
Os interesados estranxeiros deberán remitir o devandito documento legalizado para o seu uso fóra do seu país de orixe mediante o procedemento que corresponda en cada caso (Apostila da Haia ou Mecanismo de cadea de autenticación consular).
(*)Nota: Só para aquelas organizacións que non se encontren inscritas no Rexistro Mercantil español.
Poder suficiente de representación da persoa que asina no seu nome (*)
Os interesados estranxeiros deberán remitir o devandito documento legalizado para o seu uso fóra do seu país de orixe mediante o procedemento que corresponda en cada caso (Apostila da Haia ou Mecanismo de cadea de autenticación consultar).
(*)Nota: Só para aquelas organizacións que non se encontren inscritas no Rexistro Mercantil español.
Declaración da organización solicitante
de non estar incursa nalgunha das prohibicións previstas no artigo 60.1 do Texto refundido da lei de contratos do sector público, aprobado polo Real decreto lexislativo 3/2011, do 14 de novembro, nos termos previstos no apartado 2.2 da Cláusula segunda do contrato e, que se incorporará a este como Anexo I: modelo de declaración.
Formulario que demostre a solvencia técnica e profesional suficiente esixida para o desenvolvemento das funcións propias do Axente Rexistrador (apartado 2.3 da Cláusula segunda do contrato e que se engadirá a este como Anexo II).
Para estes efectos, a organización deberá responder todas as cuestións que se inclúen no documento no que, entre outros aspectos, se fai referencia á súa infraestrutura técnica, á súa estrutura corporativa, á súa experiencia e aos proxectos relevantes nos que participou.
O documento deberá remitirse asinado en todas as súas páxinas.
Modelo de Certificado polo que a aseguradora certifica que a póliza subscrita polo seu cliente cobre a responsabilidade civil derivada da súa actividade como Axente Rexistrador, tal e como prevé a Cláusula duodécima do contrato e que se achegará a este como Anexo IV.
Ou outro modelo de certificado emitido pola aseguradora, sempre e cando neste se indique claramente que se cumpren os requirimentos estipulados por Red.es e a aseguradora o remita asinado e selado.
Deberá remitirse certificado orixinal e non se aceptarán sinaturas imprimidas.
Aval ou garantía al ao que se refire o apartado 3.9 da Cláusula terceira do contrato: modelo de aval.
Tamén pode cumprirse con este requirimento mediante a realización dun ingreso nunha conta bancaria de Red.es pola cantidade recollida no apartado 3.9 da Cláusula terceira do contrato, en concepto de fianza.
Os interesados na segunda das opcións poden indicar o seu interese en realizar ingreso en conta en substitución de aval e presentar o resto da documentación.
Paso 3
Sinatura do contrato
Unha vez comprobado por Dominios.es que acreditaches debidamente o cumprimento das obrigas das que se fai depender a eficacia do contrato, o contrato será asinado por Dominios.es e remitirémoscho para a súa sinatura.
A persoa que tivese acreditado poder suficiente de representación outorgado pola organización interesada na acreditación deberá asinar unha copia do contrato en todas as súas páxinas, incluídos os documentos incorporados como anexos do contrato, e remitila a Dominios.es de acordo ás instrucións recibidas.
Paso 4
Emisión de factura e pagamento
A continuación Dominios.es emitirá a factura correspondente ao pagamento da cota de alta para realizar a función de Axente Rexistrador.
Deberás aboar o pagamento na conta da Entidade Pública Empresarial Dominios.es que se indique para tal fin (apartado 2.1 da Cláusula Segunda do Contrato).
Paso 5
Alta técnica
Unha vez recibido o pagamento da cota de alta, Dominios.es procederá a rexistrar o axente rexistrador na ferramenta de xestión de nomes de dominio baixo o ".es".
Unha vez feito isto, procederase a incluír a organización na Lista de Axentes Rexistradores acreditados ante o Rexistro de nomes de dominio baixo o ".es", finalizando así o procedemento de acreditación.
Outras consideracións
Cando os documentos orixinais se encontren en linguas estranxeiras, distintas de inglés ou francés, deberán ser traducidos por intérprete xurado.
En caso de ser incompleta ou incorrecta a documentación achegada, este feito será posto en coñecemento do solicitante para que corrixa os eventuais erros ou achegue os documentos requiridos.
Aviso: O Contrato e os Anexos I e II poden achegarse asinados electronicamente; neste caso, non será necesaria a sinatura manuscrita. Para poder utilizar a sinatura electrónica é necesario dispoñer dun certificado dixital como o do DNI electrónico (DNIe) ou outro emitido por algunha das seguintes entidades certificadoras:
