Cambia o titular do dominio

Cambio de titular

O cambio de titular ou Transmisión Ordinaria leva asociado unha serie de aspectos:

Solicitude de Cambio de titular por parte do Antigo Titular do dominio

Opción 1. Dominio xestionado por un Axente Rexistrador

Se o teu dominio ".es" está xestionado por un Axente Rexistrador, os seguintes axentes poderán iniciar a Transmisión Ordinaria:

•  Axente Rexistrador que xestiona o teu nome de dominio

•  Titular do dominio

•  Persoa de Contacto Administrativo.

No caso de que sexa o Axente Rexistrador quen inicie o procedemento, o Titular ou a persoa de Contacto Administrativo recibirán unha comunicación vía correo electrónico para confirmar ou rexeitar o inicio do procedemento.

Posteriormente deberán acceder ao panel de control de Dominios.es co seu identificador e contrasinal para validar a acción (confirmar ou rexeitar).

No caso de que inicien o Titular ou a persoa de Contacto Administrativo, estes deberán acceder ao panel de control de Dominios.es co seu identificador e contrasinal, e seleccionar a opción “Solicitude Transmisión de dominio”.

Opción 2. Dominio non xestionado por un Axente Rexistrador

Se o dominio ".es" non está xestionado por un Axente Rexistrador, poderán iniciar o procedemento de transmisión:

•  O Titular do dominio.

•  A persoa de Contacto Administrativo.

O Titular ou a Persoa de Contacto Administrativo deberán acceder ao panel de control de Dominios.es co seu identificador e contrasinal, e seleccionar a opción “Solicitude Transmisión de dominio”.

Solicitude de aceptación de condicións do novo titular

A persoa indicada como novo Contacto Administrativo recibirá unha comunicación por correo electrónico, para confirmar ou rexeitar a transmisión, accedendo ao panel de control de Dominios.es co seu identificador e contrasinal.

No caso de confirmala, aceptará os termos e condicións e solicitará a actualización dos datos asociados ao dominio.

Transmisión especial de dominio

Nos casos de sucesión universal inter vivos ou mortis causa e sucesión de empresas, o sucesor poderá seguir utilizando este nome, sempre e cando siga o seguinte procedemento:

Solicitude de aceptación de condicións do novo titular

O Contacto Administrativo do nome de dominio deberá acceder ao panel de control de Dominios.es co seu identificador e contrasinal, e seleccionar a opción "Solicitude transmisión especial de dominio", e solicitar a modificación dos datos do rexistro.

Neste caso, deberá acreditar documentalmente que se dan as circunstancias especiais ás que se refire este punto.

Para a presentación das solicitudes será necesario identificarse dunha das seguintes formas:

1. A DNIe/Certificado electrónico. (*)

1. B Fotocopia de DNI ou documento acreditativo.

Dominio.es, unha vez recibida e validada toda a información sinalada anteriormente, enviará por correo electrónico, tanto ao novo titular, ou, se é o caso, ao Axente Rexistrador, como ao antigo titular, confirmación da realización da transmisión.

Recordamos que os datos asociados aos dominios ".es" deberán ser exactos e veraces, especialmente os correspondentes ao Titular e a persoa de Contacto Administrativo. No caso contrario, non poderá realizarse a transmisión do dominio, e Dominios.es poderá iniciar un procedemento de cancelación deste.

Para poder utilizar a sinatura electrónica é necesario dispoñer dun certificado dixital como o do DNI electrónico (DNIe) ou calquera certificado emitido por AutoFirma.

Dese modo, será @firma (plataforma utilizada pola Administración) a que directamente comprobe se unha entidade está admitida, autorizada, caducada etc., polo que calquera certificado admitido servirá para todas as xestións que se realicen ante o Rexistro de Dominios.es. 

Máis información sobre os certificados admitidos: 

https://administracionelectronica.gob.es/

https://firmaelectronica.gob.es/ciudadanos/cosas-deberias-saber/validacion-firmas

Para saber se o teu certificado dixital é válido tamén podes comprobalo nesta ligazón: https://valide.redsara.es/valide/inicio.html