Accede ao teu panel de control
Enderezo de correo electrónico non accesible
Lista de Autoridades de Certificación admitido por AutoFirma
Nesta sección encontrarás información sobre como acceder ao panel de control de Dominios.es, como modificar os datos de contacto e como recuperar o acceso ao panel de control de Dominios.es se non podes entrar co teu correo electrónico ou contrasinal.
Nesta páxina podes informarte sobre:
Accede ao teu panel de control
O rexistro directo a través de Dominios.es ofrece soamente o nome de dominio e, polas súas condicións particulares, supón un prezo elevado regulado por instrución interna.
Para xestionar o teu dominio con Dominios.es, podes acceder ao sistema cunha destas dúas formas a través da páxina de identificación:
- 1. Introducindo o teu identificador e contrasinal, os cales se che asignaron ao rexistrarte a través de Dominios.es.
- 2. Autentificándote co teu DNIe/certificado, coa asociación previa do DNIe/certificado co teu identificador.
En caso de non estar rexistrado, podes darte de alta aquí.
Cambio de datos do contacto
Se es o titular ou a persoa de contacto administrativo, contacto técnico ou de facturación dun dominio ".es" e queres actualizar os datos de contacto (teléfono, enderezo postal, contrasinal etc.), terás que editar o teu perfil do seguinte xeito:
- 1. Accede ao Panel de control indicando o teu IDENTIFICADOR e CONTRASINAL.
- 2. Unha vez identificado, encontrarás a opción “Editar” sobre a barra superior de cor laranxa.
Todos os cambios se realizan automaticamente, a excepción dos cambios solicitados para os campos “Nome” e/ou “NIF/NIE”, que requiren revisión por parte do Rexistro.
Consulta o Manual de Usuario para obtener información máis detallada sobre o procedemento.
Recuperación de contrasinal
Se non recordas o teu contrasinal, podes recuperalo dende a web de Dominios.es, introducindo o teu identificador a través da páxina de renovación de contrasinal.
Inmediatamente recibirás na conta de correo asociada ao contacto unha mensaxe coa ligazón para renovar o contrasinal e realizar a activación.
Se non coñeces o teu identificador de contacto, podes consultalo na nosa web a través da páxina de inicio introducindo o nome de dominio no espazo do buscador dispoñible, premendo o botón “Buscar” e, cando se mostre o dominio, premendo de novo en “Rexistrado. Ver Datos”.
Enderezo de correo electrónico non accesible
Se es o titular, a persoa de contacto administrativo, contacto técnico ou de facturación dun dominio ".es" e non podes acceder ao enderezo de correo electrónico que está asociado ao teu contacto, podes cambialo accedendo ao panel de control de Dominios.es co teu identificador e contrasinal, e editando o teu perfil.
Consulta o Manual de Usuario para obter información máis detallada sobre o procedemento.
Se, ademais de non poder acceder ao teu correo electrónico, tampouco podes acceder ao panel de control porque esqueciches o contrasinal, dámosche outra opción que garantirá que o cambio se realizará con seguridade:
- 1. Accede á páxina de modificación de correo electrónico
- 2. Indica o identificador de contacto que desexas modificar e o novo enderezo de correo electrónico ao que o queres asociar.
- 3. Identifícate dunha das seguintes formas:
- 4. Mediante DNIe/Certificado electrónico.(*)
- 5. Achegando fotocopia de DNI ou documento acreditativo.
Estes cambios realizaranse de xeito inmediato, agás casos excepcionais que deberán ser revisados e aprobados polos nosos operadores.
Consulta o Manual de Usuario para obter información máis detallada sobre o procedemento.
(*) DNIe/Certificado electrónico
É necesario dispoñer dun certificado dixital, como o do DNI electrónico (DNIe) ou outro emitido por algunha das seguintes entidades certificadoras:
